الفرق بين البنت الرقيقة والبنت الدفشة

البنت الناعمة:
طبعا هذة البنت وهي نايمة فى غرفتها الدبدوب والارنوب كلهم فى احضانها واذا قامت من النوم ما تقوم الا الساعة وحدة الظهر واللى تقعدها من النوم الشغالة وطبعا تكلمها بالانجليزي بترجم لكم شو تقول لها الخدامة تقول قومي ماما وقت واجد تأخير والرقيقة اول ما تصحى الجو رايق وتاخذ حمام محترم وبعد ما تطلع من الحمام على المراية تحط من هالكريمات والصبغ لازم تحافظ على البشرة خلصت من المراية وتروح عند الاستشوار وبعدين تلبس البنطلون الجنز والبلوزة وتنزل تاكل الفطور اللى يكون عبارة عن دونت وعصير برتقال

البنت الدفشة :
تقوم الساعة 8 الصبح وهــي ما ودها تقوم وتدخل امها عليها بالغرفة وتصرخ عليها قومى بسك نوم ترد الدفشة على امها : زين زين الحين أقوم وتقعد تتأفف ويطلع من ثمها نار<<<< حشى لله تنين هب بنت بالاضافة الى انها وهي نايمة كل دقيقة تطيح من على الكرفايه وبعدين يدخل اخوها الصغير ويصرخ بسك يالله نوم ترد عليهـ : اطلع من الغرفة والا أفقعوجهك وحش مو بنت المهم اخوها اللى اكبر منها يروح لها الغرفة يرفسها وبعد ذيك الرفسة العنيفة وتصحى من الرقاد

نرد حق البنت الرقيقة
ما تتغدا الا الساعة 4 ولا 5 ولا ما تتغدى الا على عيش ابيض مسلوق وسلطة تحافظ على رشاقتها

اما البنت الدفشة
تتغدا الساعة 12 بالضبط ولا تتغدا كبسة ولحم او دجاج واذا خلصت تشرب البيبسي مرة وحدة يعني ما فى مجال انها تتنفس

البنت الرقيقة
طلعتها تكون من بعد صلاة المغرب ما تطلع العصر تحافظ على البشرة من أشعة الشمس

البنت الدفشة
تطلع الساعة 2 تروح مشي لبيت خوالها لحد ما تنقلب سمرة

البنت الرقيقة
تروح كافيهـ وقبل لا تطلع تمر على الصالون تحط هذاج الميك أب

البنت الدفشة
تحط كحل يترس العين والروج تقول شاربهـ علبة كاتشب

البنت الرقيقه
اذا تبى تضحك تقول ( هههههههههه) ويدها على فمها من الخجل والضحكة من الصعب انك تسمعها

البنت الدفشة
ها ها ها ها والحاره الثانية تسمعها

البنت الرقيقة
اذا تحب تسمع اغاني ما تسمع عربى تسمع ريكي مارتن طبعا لانهـ حلو و ممثلها المفضل توم كروز لوسامتهـ وميل جبسون وجيم كاري لخفة دمهم

اما البنت الدفشة
ممثلها المفضل بو هلال وعبدالناصر درويش ومطربها المفضل خالد الملا ومزعل فرحان

البنت الرقيقة
يوم تناظر التلفزيون تقعد على الكرسي وتحط رجل على رجل وتبتسم لان الابتسامة تضفي بشاشة على الوجه

البنت الدفشة
تنسدح على الارض وتحط رسها على المخدة وتمد رجلها وتحطها على التلفزيون واذا تبا تغير القناة دقت التلفزيون باصبع رجلها وغيرت القناة

البنت الرقيقه
اذا تبا تحلم احلام اليقظة طلعت فى حديقة بيتهم وقعدت على الكرسي الهزاز وقام الكرسى يروح ويرد

البنت الدفشة
تروح بالحوش وتمد السجادة اللى فيها خمسة وثلاثين لون احمر واسود وابيض وجابت كاس ستة متر متروس شاي

البنت الرقيقه
فى نهاية هالموضوع تقولكم تشاو او سي يو او بباي

اما الدفشة
فى نهاية الموضوع تقولكم حياكم الله تامرون على شيء

منقوول:d

أنآ 2 مع بعض
الفرق بين البنت الرقيقة والبنت الدفشة 1201608dufd1sqjkg

يسلموو

شكرا ع الفروق
وحده مصدقه انها لعبة الفروقات
خخخخخخخـ

مشكورهـ ع المـوضـوع الرآئـع
مجــهود رآئــع منـك
أبــدآع × أبــدآع
..^.^"..
لآ تحرميـــنآ مـن جديــدك
تحـــيآتــي لك

مشكورهـ ع آلطرح

» البنت اغلى من الولد
» الفرق بين لغة الاشاره بالعربي والانجليزي
» مواقع المنشدين و الفرق الانشادية
» الفرق بين جوال الأجانب وجوال الخليجيين