اعجبتني قصيدة للشاعر العقيد ناصر المشرافي المطيري عندما مر به الطريق على اهل الشقره وخاصة الشيخ رابح بن لافي الشاماني
يقول ناصر المشرافـي
سـلام يـا دار الشواميـن يـا دار
تحيـة تهـدى علـى مـن قبلهـا
تعجبني الشقـرة اذا جيـت مـرار
تعجبنـي الديـرة وحـي نزلـهـا
الديرة الي تكرم الضيـف والجـار
احبهـا مـن كثـر حبـي لأهلهـا
دارا وفيهـا للشوامـيـن تـذكـار
قبيلـة تمـدح ويـمـدح عملـهـا
لهـم بصفحـات التاريـخ مسعـار
صفحات رجل المعرفـه ماجهلهـا
خاضوا مع الدنيا مواقيف واخطـار
دون العوانـي حاملـيـن ثقلـهـا
ذاقوا من الدنيا حـلاوات وامـرار
المـر فيهـا زايـد عـن عسلهـا
ابن رشيد اعتز منهـم بمـا صـار
واعذارهم يـوم عرضوهـا قبلهـا
لطامت العايـل طويليـن الاشبـار
زبـن القلـوب اذا غلبهـا زعلهـا
هم مزبن العاني بعيديـن الانظـار
كم رجعوا حيلة علـى مـن فتلهـا
ربع لهـم بالقلـب قيمـه ومقـدار
قبيلـة بالطيـب تمـت خصلـهـا
لعل هـذا الـدار تسقيـه الأمطـار
سيـل يعـم جبالهـا مـع سهلهـا
سيل على دار الكريميـن الأحـرار
الطيب فيها والـردي مـا يصلهـا
ينبـت بواديهـا بختـري ونـوار
الأرض بلأثـمـار تلـبـس حللها
حييت يـادار الشواميـن الاخيـار
يـاديـرة للضـيـف تفـتـح فللها
يقدمـوا لضيوفهـم بـن وبـهـار
واشباب حيل مـا غشاهـا فحلهـا
يسعد بهـم قلبـي اذا جيـت زوار
والـدار تعجبنـي شوفـة نخلـهـا
من اجلهم بديت في نظـم الاشعـار
عسـى اذا جتهـم يجينـي بدلهـا
لو كان ماني في بني القاف بيطـار
لكني اعرف هزلهـا مـن جزلهـا
وصلوا على سيد الصحابه والانصار
عداد مـا تعطـي السحايـب هللها
وسلامتكم
موضوع: الشاعر/ناصر المشرافي والشاماني الحربي 
الجمعة أبريل 24, 2009 1:06 pm
