شعر عن الخيانه

بسم الله الرحمن الرحيم

ودعتك الله لو على قلبي اخطيت ***وحاربتني من دون ذنب وخطيّه

احسبك تذكرني اذا اصبحت وامسيت *** واثرك على فرقاي نفسك هنيّه

الله واكبر كيف عنّي تخليت *** من بعد ما علقت روحي البريّه

وش غيّرك وش بدّلك ليه صدّيت ***وانت الذي بالقلب نبض وهويّه

من هو بقى لي بعدما عنّي اقفيت *** وقدمتني للحزن اثمن هديّه

كل شي تخيلته ولا يوم ظنيت ***انك لحد غيري ولا نتاب ليّه

ويلك من الله كيف بالحب ضحيت *** قلبك حجر ما حنّ يومٍ عليه

اللي بيننا بعمر في يوم هدّيت *** واحلامنا ما عاد منها بقيّه

اتعد غلطاتي اذا يوم زليت *** من دون مدري ...وين ذيك الحميّه

ما فيه معصوم الخطا لو تحريت ***ولا فيه كامل غير رب البريّه

ولو ما احبك ما نشدتك ولا اطريت *** بعدك وصدك وانتخيتك نخيّه

ترجع لقلبٍ يوم بالعقل حبيت *** وتترك هل الاحقاد واهل الوشيّه

خايف عليك وخايفٍ منك يا ليت *** ما يوم حبيتك وصرت الضحّيه

لا نيب حي بعد هجرك ولا ميت*** ولاني مريض ينعرف بالشكيّه

لكني ادري بحالتي لا ترديت*** ولا ينفع الملتاع طبه وكيّه

مالي سوى اللي كلما راح ناديت *** يا كود يسمعني ويرجع اليّه


اتمنى ان هود هود ترد على الموضوع
منقوووووووووووووووول

يعطيــك ألف عـآآفيهـ